މުރަނގަތޮޅި ކިރުގަރުދިޔަ | Lonumedhu

މުރަނގަތޮޅި ކިރުގަރުދިޔަ

 

އަލުވިން، ތޮރާ އަޅައިގެން، އަދި މީނޫންވެސް އެހެން ތަފާތު ތަކެތިން ކިރުގަރުދިޔަ ތައްޔާރުކުރެއެވެ. ނަމަވެސް ކިރުގަރުދިޔަ ތަކުގެ ތެރެއިން އަހަރުމެންނަށް އެއްމެ މީރީ މުރަނގަތޮޅި ކިރުގަރުދިޔައެވެ.

އަހަރުމެންގެ މިރެސިޕީގައި ހުތް އަނބެއް ބޭނުން ކުރީމެވެ. އޭގެ ބަދަލުގައި ބިލަމަގު އެޅިޔަސް ރަނގަޅުވާނެއެވެ. އަދި މީގެ އިތުރުން އަހަރުމެން ބޭނުން ކުރީ ގިތެޔޮ މިރުހެކެވެ. ނަމަވެސް ތޮޅި މިރުސް އެޅީމައި މާ މީރުވާނެކަމަށް ބައެއް މީހުން ބުނެއުޅެއެވެ. އަހަރުމެން ތޮޅިކޮޅު މަޑު ކުރީ ފެނުގައިއެވެ. ބައެއް މީހުން މިކަމަށް ފެން ކިރުވެސް ބޭނުންކޮށް އުޅެއެވެ. އަދި އަހަރުމެން މިރެސިޕީގައި ބޭނުން ނުކުރި ނަމަވެސް ބައެއް މީހުން ކިރުގަރުދިޔައަށް ފޮނިތޮށި ކާފޫރު ތޮޅި ވެސް އަޅާ އުޅެއެވެ.

 

މި ރެސިޕީއިން ތައްޔާރު ކުރެވޭނީ: 2-3 މީހުންނަށް ވާވަރަށެވެ.

 

ބޭނުންވާ ތަކެތި:

3 މުރަނގަތޮޅި

1 ފިޔާ

2 ލޮނުމެދު

¼ އިންޗީގެ އިނގުރު

3 ޖޯޑު ފެން

1 ސައިސަމުސާ ލޮނު (ނޫނީ ބޭނުން ވަރަކަށް)

¼ ގިތެޔޮ މިރުސް (ނޫނީ ބޭނުން ވަރަކަށް)

15 ހިކަނދިފަތް

3 އިންޗީގެ ރާނބާ

½ ޖޯޑު ކޮށާފައި ހުރި ވަޅޯމަސް

1 މޭޒުމަތީ ސަމުސާ ކުދިކޮށް ތުނިކޮށް ކޮށާފައިވާ ހުތް އަނބު

¼ ޖޯޑު ބޯކިރު

½ ސައިސަމުސާ ރީނދޫ

 

ހަދާނެ ގޮތް:

1. މުރަނގަތޮޅިތައް ދޮވެ ސާފު ކުރުމަށްފަހު ތޮށިމަށައި ކޮށާށެވެ. އަހަރުމެން ކޮށިއިރު އެތިކޮޅެއްގެ ދިގުމިނުގައި ހުރީ 3 އިންޗިއެވެ.

2. ފިޔާކޮޅު ކޮށާލާށެވެ. އަދި އިނގުރާއި ލޮނުމެދު ޗަސްކޮށްލާށެވެ.

3. މުރަނގަތޮޅިކޮޅާއި ފެނާއި ލޮނު ތެއްޔަކަށް އަޅާށެވެ. މެދުމިނެއްގައި ގިނި ބަހައްޓައިގެން މުރަނގަތޮޅިކޮޅު މަޑުވަންދެން ކައްކާށެވެ. މިކަމަށް އަހަރުމެންނަށް ނެގީ 15 ވަރަކަށް މިނެޓެވެ.

4. މުރަނގަތޮޅިކޮޅު މަޑުވުމުން ފިޔާކޮޅާއި ލޮނުމެދާއި އިނގުރާއި ގިތެޔޮމިރުސް، ހިކަނދިފަތް، ރާނބާފަތް، ވަޅޯމަސް، ހުތް އަނބު، ބޯކިރު އަދި ރީނދޫ ތެއްޔަށް އަޅާލާށެވެ. ހުރިހާ އެއްޗެއް އެއްކޮށްލާފައި ތެލީގައި މަތިޖަހައިފައި މަޑު ގިނީގައި ބަހައްޓައިގެން ފިޔާކޮޅު މަޑުވެލަންދެން ކައްކާށެވެ. އަހަރުމެންނަށް މިކަމަށް ނެގީ 10 ވަރަކަށް މިނެޓެވެ. ނިންމާލުމުގެ ކުރިން ރަހަ ބަލާލާފައި ބޭނުން ގޮތަކަށް ބަދަލު ކޮށްލަންވާނެއެވެ.

އިތުރު ރެސިޕީތައް   

 

Advertisement

Interviews

https://lonumedhu.com/sites/default/files/Interviews%20section%20covershot.jpg

Restaurant Reviews

https://lonumedhu.com/sites/default/files/Restaurant%20Reviews%20covershot.jpg

Curry Recipes

https://lonumedhu.com/sites/default/files/Copy%20of%20Copy%20of%20Copy%20of%20Copy%20of%20Copy%20of%20Copy%20of%20Copy%20of%20Copy%20of%20Tuna%20Recipes%2821%29.jpg

Hedhikaa Recipes

https://lonumedhu.com/sites/default/files/HedhikaRecipes.jpg

Dessert Recipes

https://lonumedhu.com/sites/default/files/Dessert%20Recipes.jpg

Chicken Recipes

https://lonumedhu.com/sites/default/files/ChickenRecipesonLonumedhu.jpg

Rice Recipes

https://lonumedhu.com/sites/default/files/RiceRecipes.jpg

About Lonumedhu

Lonumedhu is about eating great food right here in the Maldives.

Our easy to follow recipes use locally available ingredients.

In our blog you will find food news, interviews with chefs and cooks, useful information about eating out and other foodie reads. 

Contacts

Keep in Touch