ކާށި ޕުޑިންގް

ހުނި އަޅައިގެން ތައްޔާރު ކޮށްފައި ހުންނަ ފޮނި އެއްޗެހި އަހަރުމެންނަށް ވަރަށްވެސް މީރުވެއެވެ. މިފަހަރު މިއޮތީ ކާށި ޕުޑިންގްގެ ރެސިޕީއެވެ.

ޕުޑިންގް ތައްޔާރު ކުރީ: 20 ސެންޓިމީޓަރުގެ ހަތަރެސްކަން ތަބަކެއްގައެވެ.

ބޭނުންވާ ތަކެތި:

½ 1 ޖޯޑު ހުނި

2 ޖޯޑު ގެރިކިރު

2 މޭޒުމަތީ ސަމުސާ ހަކުރު

1 ސައިސަމުސާ ވެނީލާ އެސެންސް

¼ ސައިސަމުސާ ލޮނު

3 ބިސް

½ މޭޒުމަތީ ސަމުސާ ބަޓަރު (ތަބަކުގައި އުނގުޅަން)

ހަދާނެގޮތް:

1. އަވަން 180 ޑިގްރީސް ސެލްސިއަސްއަށް ހޫނުކުރަން ޖައްސާށެވެ.

2. ޕުޑިންގް ފިހަން ބޭނުން ކުރާނެ ޓްރޭގައި ބަޓަރު ކޮޅު އުނގުޅާލާށެވެ.

3. ބޯތަށްޓެއްގައި ހުންޏާއި ގެރިކިރުކޮޅު އެއްކޮށްލާށެވެ.

4. ދެން އޭގެ ތެރެއަށް ހަކުރާއި، ވެނީލާ އެސެންސާއި، ލޮނުކޮޅު އަޅާފައި ރަނގަޅަށް އެއްކޮށްލާށެވެ.

5. ދެން ބިސްކޮޅު އޭގެ ތެރެއަށް އަޅާލާށެވެ. ބިސްކޮޅު އަޅާނީ އެހެން އެއްޗެއްގައި ރަނގަޅަށް ގިރާލާފައެވެ.

6. ހުރިހާ އެއްޗެއް ނިކަން ރަނގަޅަށް އެއްކުރާށެވެ.

7. ތައްޔާރު ކުރި ތަބަކުގެ ތެރެއަށް އެއްކުރި ސާމާނު އޮއްސާލާށެވެ.

8. ހޫނު ކުރަން ޖެއްސި އަވަނުގެ މެދު ރެކުގައި ބައިންދައިގެން ޕުޑިންގް ފިހާށެވެ. ފިހާނީ ދަތްކޮށްޓިއެއް މެދަށް ހަރާލާފައި ނަގާއިރު އެ ސާފުކޮށް އޮންނާނެ ވަރަށެވެ. އަހަރުމެންނަށް މިކަމަށް ނެގީ 20 މިނެޓެވެ. ނަމަވެސް އެކި އަވަނުން ފިހެވޭ ގޮތް ތަވާތު ވާނެއެވެ.

9. ފިހެވުނީމައި އަވަނުން ނަގާށެވެ. އަދި ހިހޫ ވެލީމާ ފޮތިފޮތި ކޮށްލާށެވެ.

އިތުރު ރެސިޕީތައް